Investigá yu di mayornan ku ROW na Antias 2020-2023
Investigashon no únikamente ta pa detektá enfermedat,
sino prinsipalmente pa evitá komplikashon.
Dikon mester hasi investigashon?
​
Ta importante pa investigá miembronan di famia di un pashènt ROW. Esei ta konta pa tantu adulto komo pa mucha. ROW ta un enfermedat relativamente deskonosí. Dòkternan kende no ta topa esaki diariamente, lo tene menos kuenta ku posiblemente nan pashènt por padesé di ROW.
Médikonan spesialisá kende diariamente ta atendé ku e enfermedat, lo por hasi un diagnóstiko sigur i konfiabel.
Resultado di estudio resien ta indiká ku pa falta di investigashon, speransa di bida di pashènt, i di nan famia, ta entre 3-5 aña menos. En kambio, esnan ku sí a keda investigá i ku tambe a risibí tratamentu, lo por disfrutá di un speransa di bida normal.
​
Investigashon di yunan di mayornan ku ROW na Antias 2020-2023
​
Tantu na Kòrsou komo na Boneiru pronto lo kuminsá un estudio diagnóstiko pa asina por determiná prevalensia di ROW serka mucha i hóben di entre 3-15 aña.
​
​
Investigashon lo kuminsá na inisio di 2020
​
Dr. Monique Wong Loi Sing, spesialista di pulmón na Boneiru, Dr. S. Lo- A- Njoe, kardiólogo infantil i pediatranan
(dòkter di mucha) trahando na FMD,
Boneiru lo ta enkargá ku e investigashon.
Investigashon diagnóstiko
​
Meta di e investigashon:
1) Determiná kuantu yu di mayornan ku ROW tambe ta padesé di e enfermedat.
2) Detektá ardu anormal den pulmón ku lo mester keda tratá.
Motibu di e investigashon:
Evitá komplikashonnan serio.
​
Ta investigá:
Mucha i hóben di entre 3-15 aña di mayor (tawela/wela) kende tin enfermedat ROW.
Kon lo investigá:
Pediatra, dòkter KNO (garganta, nanishi, oído) òf neurólogo lo referí pashènt na klínika pediátrika/infantil (kinderpoli).
Investigashon ta enserá:
E pediatra ta kompilá un historial médiko amplio, inkluso lo puntra si algun familiar por tin ROW . Lo hasi un eksámen físiko dirihí riba manchanan kòrá (telangiektasia) i tambe lo midisaturashon di oksígeno via dede.
Hasi referensia na klínika KNO (garganta, nanishi, oído) den kaso ku e mucha ta sangra di nanishi (hemoragia nasal). Laga saka toraks (potrèt di pulmón).
​
Hasi referensia na klínika KNO (garganta, nanishi, oído) den kaso ku e mucha ta sangra di nanishi (hemoragia nasal). Laga saka toraks (potrèt di pulmón).
Na unda:
Boneiru – Fundashon Mariadal Kinderpoli
Kòrsou – CMC Kinderpoli